Ergonomika

Ergonomika is die studie en die wetenskaplike proses om die fisiese omgewing, objekte en prosedures te ontwerp dat dit die gebruiker die beste pas. Dit word hoofsaaklik toegepas in die werksomgewing waar die gebruiker die werker is.^[1]

Oor die algemeen kla werkers oor lae rug pyn – nie net kantoorwerkers nie. Dis 'n algemene probleem onder konstruksiewerkers en werkers in die landbou.^[1] As iemand pyn of ongemak ervaar, is hy minder produktief.

Die werkgewer moet die eenvoudige vraag vrae:, "Wat word van die werker verwag om die taak te verrig?"^[2]

Ergonomika kan voorsien dat daar minder beserings in die werksomgewing is en dus ook verminderde eise. Op die langtermyn kan Ergonomika dus finansieel voordelig tot die werksplek wees.^[2] Neem byvoorbeeld 'n werker wat lank voor die rekenaar sit. Daar is konstante druk op sy rugwerwels. Na 15 jaar van werk, is dit dan verstane dat hy lae rug pyn het.^[2] Ergonomika kan spesifiek aangepas word by die werkstasie en dit optimaal ontwerp deur die meubels aan te pas.

'n Ergonomiese stoel bestaan uit die volgende komponente en moet aangepas word by die spesifieke werker:^[2]

1. Die stoelhoogte moet sorg dat die werker se voete stewig op die grond is. Indien sy voete nie die grond raak nie, moet 'n voetbankie gebruik word.
2. Die armleunings moet so gestel wees dat die werker se skouers nie opgetrek word nie. Dit kan gestel word tot net bo die tafel.
3. 5 Wiele onder die stoel in die vorm van 'n ster
4. Die sitplek lengte moet die werker pas, so dat sy bobene stewig op die stoel is. Die werker se lengte sal in ag geneem moet word.
5. Rug ondersteuning wat verstel kan word.

1. ↑ ^{1,0 1,1} https://www.ergonomics.com.au/what-is-ergonomics/
2. ↑ ^{2,0 2,1 2,2 2,3} http://www.hrpulse.co.za/health-and-safety/ergonomics/230359-do-we-need-ergonomics-in-the-workplace